كانت السما دى كلها هتبقى ملكى .. أنا لوحدى .. أطير وقت ما أحب و مكان ما أحب .. أغنى براحتى و أرقص براحتى ..
كنت هصاحب عصافير كتير .. نتفسح سوا و نطلع رحلات سوا ..
و لما نلعب استغماية .. كنت هادوخهم ورايا .. استخبى فى سحاباية .. و أخرج من سحاباية .. و أنزل أدًّارى ما بين فروع الشجر
و لما الدنيا تمطر، كنت هأخرج أرقص فى المطر .. و أبِّل نفسى .. أحوش المية فى جناحاتى و أطرطشها دواير فى الهوا
كنت هاخد بالى ما أقربش من الشمس .. و أعمل حسابى أسهر شويتين و أطلع أقعد مع القمر .. و نتفق نملى الكون نور و غُنا
كنت هصاحب فراشاية .. بجناحات ملونة .. أشيلها فوقى و نطير سوا ..
و لما أبرد أنزل أتدفى فى حضن وردتى .. كل الوردات تبقى صحباتى .. بس وردتى حاجة تانية ..أنا و هى متفقين فى كل حاجة .. لازم كنت هأعدى عليها كل يوم .. تحكيلى و أحكيلها .. نحكى حواديت لغاية ما عنينا تتاوب .. أبوسها و اطلع عشتى
طيري طيري يا عصفورة
----------------------------
الصورة: Fischer's Lovebird - 15Sep04 by Eman M
12 comments:
Wow...that's very sweet and dreamy.
شكراً على الدقىقتين الحلوين اللى انا عشتهم وانا بأقرا القطعة دى
احساس عالى قوى ...:)
كل سنة و انت طيبة
really good
بجد كلنا محتاجين نبقى عصافير
وعلى رأى عمنا نزار
يا وطني
كل العصافير لها منازل
إلا العصافير التي تحترف الحرية
فهي تموت خارج الأوطان
يا خوفى
متلاقيش الا رصاصه رش وينتهى الحلم
طوارئ بقى
wow ya Emy, so sweet,innocent, and super sensitive...gamila awi, ana kaman nefsy akon 3asfoora :)
it is very beautiful Eman
ده انتوا مصرين بقى انتى وتواصل تفكرونى بالأغنية
حلو اوي بساطتك
ما أنصحكيش تبقي عصفورة
إسألي مجرب
أنا كان جناحي م السما للسما
كانت عيوني الندى و قلبي رفرفة الحمام
بس للأسف
ع الأرض إنسان ف وسط الديابة
ف السما عصفور ما بين الجوارح
بالمناسبة
ده لينك الأغنية
ده بصوت ماجدة الرومي
http://gulf.salmiya.net/songs/kids/ram/kids147.ram
و دهلينكة الأصلية
http://www.sawari.com/7/5/Pola-pola.mp3
بس ماتنسيش كمان لو كنت عصفورة .. ممكن تقعي فى شبكة صياد .. يقتل كل حاجة جواكي
Post a Comment