Monday, September 05, 2005

لأنها امرأة

يتسببون فى نزف أول قطرات من دمها ليثقبوا أذناها عند ولادتها .. لأنها امرأة

يمنعونها من أن تلعب مع أولاد الجيران أو أن تذهب معهم إلى المدرسة .. لأنها امرأة

لا يمكنها الجلوس فى الحدائق و تسلق الجبال و البيات فى الصحراء وحدها .. لأنها امرأة

ينظرون لملبسها و حجم أنفها و لون عينيها بدلاً من عقلها وأفكارها واقتراحاتها .. لأنها امرأة

لا تستطيع أن تتمشى ليلاً لتستمتع ببعض الهواء، خوفاً من المضايقات والقيل والقال .. لأنها امرأة

تُلطخ وجهها بمساحيق و طبقات من الألوان لتبدو أجمل مثل فلانة وعلانة .. لأنها امرأة

تتَبع أنظمة غذائية قاسية لتتفادى بضعة جرامات لأنها يجب أن تكون فى نحافة عمود النور .. لأنها امرأة

تُغرق شعرها بالعسل و اللبن و الكيماويات الضارة وتذهب لمصففة الشعر المزعجة كل أسبوع .. لأنها امرأة

تتظاهر بعدم ملاحظتها نظرات زوجها للنساء الأخريات و شغفه بمتابعة الأغانى المصورة .. لأنها امرأة

لا تجد غير نظرات الإستخفاف و الإستنكار أو الشفقة حين تبكى .. لأنها امرأة

ينفر زوجها من الندبات التى تركتها السكاكين و المكواة على جلدها من الأعمال المنزلية، و من ترهل جسدها بعد الولادات المتكررة .. لأنها امرأة

يكذب عليها و يضربها ويُخطئ و ويُخطئ ويُخطئ وتسامحه .. لأنها امرأة

تُنسب تقاريرها الناجحة لمديرها فى العمل و تتعطل ترقيتها فى حالة أنه منصب إدارى .. لأنها امرأة

مطلوب منها أن تقوم بعشرة أدوار بدايةً من طباخة و غسالة و مُدللة و نهايةً بمديرة وزوجة و أم و حبيبة .. لأنها امرأة


ملحوظة: كل ما ذُكر لا علاقة له بأنها خُلقت امرأة و لكن لأن المجتمع يقول أنها امرأة

41 comments:

The Sandmonkey said...

Eih dah. Makontesh 3aref en el regalah welad kalb beltaree2ah dih! :P

Bent Masreya said...

إيمان

كنت ابتديت افكر ان انا اللى شايفة ده لوحدى

المرأة مااتظلمتش انها اتخلقت امرأة
بس اتظلمت من نظرة المجتمع

ميرسى يا ايمان انك اضفتى على اكتئابى الخاص اكتئاب عام

وجميلة مدونتك اوى، انا ازاى مجتش هنا قبل كده

free soul said...

let me tell you a shocking idea!!

The problem is that the women are prisoners in their own ideas!!

it is true, the new generations don't want "amina" and don't want to be "si el sayed", I know there is still small parts that want to feel in control, but most of them want co-operation, wants another part that can go with them to the desert, can share ideas and thoughts with, can talk and discuss things with, the beautiful face is not enough anymore

believe it or not, many husbands now escape to the cafe because they can't find the partner they seek at home!! it is time to mend both of the two ends, mend the women to till them that the priorities of the current time has changed, mend the men to tell them the changes will take things that was of their rights, like not doing anything at home for exampe!!

kalamy saleem walla bahtesh ?

Nerro said...

You said it all ya Emi

Mohammed Sameer said...

ممكن يكون ده صح
بس مش كل الناس بتفكر كده

موضوع انها متخرجش مع اولاد او كده ده ممكن يكون صح الى حد ما
انا مش خبير فى علم التربية او علوم الدين عشان ااول راى صح
بس فيه حاجة "خير الامور الوسط"
ده اللى اادر ااوله و انا مطمن

موضوع تلبس ايه او شكله ازاى او الكلام ده معلش بتاع الناس اللى مخها فاضى
اه بيحصل و ما اقدرش اقول انه ما بيحصلش و اكيد انا كمان باعمله "بس انا نظرى على ادى زى مانتوا عارفين :-)"
بس فيه حاجة: مش كل الناس بتبص كده
و الله اعلم

تعيط ؟ انا اول مره اعرف ان ده عيب!!!

اه عندنا مشكلة فى المجتمع عموما بس طول الوقت فيه الحلو و الوحش
المشكله ان الايام دى الوحش بقه اكتر

شكرا يا ايمان على مساهمتك فى اكتابى اكتر مانا مكتئب و متضايق :-|

/me sighs

Romantic Rose said...

حسيت بنفسي قوي و بضعف موقفي لما قريت موضوعك .. حتي لو انا مش كده بس بغتصب تحسين موقفي اغتصاب .. بالخناق مره و بالمحايله مره و بالتراضي مره .. لكن ف النهايه تظل حريتي اكتساب بعد طول كفاح و عند اول خناقه او قله مزاج مع اولي الامر و النهي ف البيت ارجع زي الفرخه ف البيت من تاني و يتوه الكفاح امام الواقع المرير ..
:'(

Fanta said...

nice idea ya emo :) i like the title very much shud be a column title on a well known newspaper someday :))!
some of wht u mentioned here are already facts in our society that need to be changed, bas on the other hand i find some of them are just culture habits that we r ok with and they dont harm the woman like making a hole in the ear for the earings :)
waiting to read it on the group ;)

Eman M said...

بنت مصرية
زى ما قلتى، المجتمع هوة السبب فى الظلم دة
دة مش إحساسك لوحدك، دة احساسنا كلنا
عموماً آسفة على الإكتئاب و أهلا بيكى و منورانا

free soul
kalamk feh goz2 saleem, bas lw baset kweis 7waliek hatla2i the
beautiful face bey7kom 7agat keter
bas still feh zolm ghareeb waqe3

محمد سمير
ماشى مش كل الناس بتفكر كده، بس معظمهم بيفكر كده
"موضوع تلبس ايه او شكله ازاى او الكلام ده معلش بتاع الناس اللى مخها فاضى"
فيه اللى بيخلوا دة شرطهم الأساسى و فيه اللى بيخلوه شرطهم اللى مش أساسى، بس يعتبر شرط فى الآخر :)

R said...

طبعاً قرأتها من قبل أن تخبريني بها في التعليق على مدوّنتي، ولم أتكلّم لكي لا أقول: مش قلت لكم :)

جميلة، بس أحب أضيف أن:

يتسببون في نزف أول قطرات دمه عند ولادته وفي إيلامه ألماً كبيراً حين يختنونه.. لأنّه ذكر

يمنعونه من البكاء منذ نعومة أظافره، مع أنّ البكاء من أرقى التعبيرات البشريّة.. لأنّه ذكر

يجبرونه على التظاهر بالقسوة والخشونة والبعد عن إظهار الرقّة والحنان.. لأنّه ذكر

يُعَذِّب وجهه كلّ يوم سلخاً بالموسى ليتناسب مع معايير المجتمع.. لأنّه ذكر

يخنق نفسه في مواضع كثيرة برابطة عنق.. لأنّه ذكر

يحمل على عاتقه مهام وحشيّة غبيّة كالثأر والخروج لقتل حيوانات تحت اسم اصيد أو لحرب لم يبدأها.. لأنّه ذكر

ولن أخبرك عن كمّ الآلام التي يعانيها إن أُصيب بحصوة أو احتاج لقسطرة.. لأنّ هذه الآلام الأخيرة لم يفعلها به المجتمع :)
ـ

Eman M said...

R
"مش قلت لكم :)"

أظن الإختلاف بين تدوينتى و تدوينتك أنى هنا أؤكد أن المجتمع هو السبب أو هو الدافع الرئيسى وراء كل تلك النقط اللتى ذكرتها
الظلم والسلوكيات االتى يفرضها المجتمع هى أكثر ما تعانيه المرأة يا رامى و ليس ما لم يفعله بها المجتمع :)
أمَا بالنسبة لكلماتك هنا، ف دى حاجات بسيطة جداً، مفيش فيهم أى حاجة صعبة يعنى :P

Geronimo said...

ايوه خرموا ودني ... بس عشان كنت صغيرة ...... لكن كنت بعاند والعب ف الشارع مع الولاد .... قعدت ف جناين من وراهم طبعا ..... واتسلقت جبال وبن ف الصحرا بس مش لوحدي مع مجموعة مغامرين كده زي حالاتي بنات وولاد ع فكرة .... ميهمنيش رأي حد ف شكلي وهوايتى البس مكرمش ومبحطش ميكب وممكن اطلع بالليل واتمشى حتى لو لوحدي ... وتختوخة ومبعملش رجيم ............. وعلى فكرة انا مش راجل ...... انا امرأة ...... وامرأة قوى كمان .............

عارفة انا ليه بقدر اعمل كده والمرأة اللي بتتكلمب عنها ف مدونتك مبتقدرش ........
عشان انا عايزة اعمل كده ........ وبعمله
ومش بسمح لحد يقهرني

Mohamed El Ashmawi said...

Enty ma3aky 7a2 shewayya fi ra2yey. bass hal ya tarra dah beyet3'ayyar walla la2?
ya3ni men 100 sanna, mankanshy momken wa7da tenzel el sho3'l assassan. men 60 sanna kan fi namoozag si el sayed, delwa2ty dah tab3an mesh mawgood. anna a3raf bannat mo7tarrama we betrawwa7 el beit noss el leil (3ashan bete3mel charity work with large group of friends) we ahlohom we es7abhom mabsooteen beehom.

I think it is rather now how u define and want urself.
momken wa7da to23od fi el beit we to2ool anna mestaneyya el 3arees we wa7da tanya to2ool anna ha7'rog ashta3'al we at3arraf 3alla el donya.
belnesba lelsho3'l, I think the idea that el sett motdahadda fi el sho3'l is over now.
El makyagge dah beyeb2a mosab2a 7arreemy assassan. I mean it's all girls and what they decide to do to themselves.

sa7ee7 mogtama3na bey2ayed 7oreyyet 7araket el bannat, ennama what is the extent to that? I know other girls who work late (bass mabyemsosh fi 7ettat dalma so they are safe).

littilemo said...
This comment has been removed by a blog administrator.
littilemo said...

انا مع (ار) وكمان
حاجات كتير على اكتاف الرجل لمجرد انه رجل

انت متخيله ان الواحد ما يقدرش يبكى دى سهله
ابدا
المجتمع لا يرحم

littilemo said...

طيب عمرك شوفتى واحده ست بتتاخد تحرى كده وخلاص
او تعتقل بنفس كم الرجاله

Gazzer said...

I agree with the idea introduced by "free soul", still we've to admit that the eye of the society is by default inherited inside us..
Even if we do beleive in other ideas, yet we hardly can announce..
I do announce, n I'm always acused of being un.... unreligious masalan, unoriental, un beleivably libral.. un... 7agat kteer awi, 3shan ba2oul bas e7na leh benbos lel bent keda..

Hamuksha said...

هل أصبحت المسألة أن المرأة تعاني والرجل أيضا يعاني؟
منطق خادع.
الرجل في بلدنا مقهور، صحيح، ولكن المرأة أسيرة هذا المقهور! إنها ’رهينة المحبسين‘.

Ahmed Shokeir said...

إيه ده .. ده إنتى معبيه بأه

ده فى ستات بميت راجل ... الراجل أول مايسمع إسمهاأو صوتها بتجيله حاله هلع

Shamoussa said...

معاكي في كل إللي بتقوليه بس برضه أنا بأبلطج على حساب رأي المجتمع في المرأة
يعني مثلاً، مش بيقولوا إن إحنا مابنعرفش نسوق.. طيب ماشي، لما بأعمل حركة غباوة و أنا سايقة (مش كتير يعني) بأقول مش مهم، ما هي سواقة ستات بقى! و بعدين، أظرف حاجة إنني دايماً بأغيظ أصحابي من الأولاد لأن الشقة عليهم، يعني يا حرام، كان في واحد مرة بيسأل هي إيه مفردات الشبكة بالضبط و بكام الألماس، يا حرام إتصدم لما عرف إن الموضوع واسع للدرجة دي
بجد أوقات كتير بيصعبوا عليا، يعني هما برضه أمهاتهم بيجيبولهم عرايس صالونات، و هم إللي لازم يشتغلوا زي الحمير علشان يأمنوا كل طلبات المجتمع منهم و هم إللي ما يقدروش يعيطوا و هم إللي بيدخلوا الجيش
إحنا بقى، إتعودنا على القهر من زمان فخلاص مش فارقة، لكن هم يا حرام فاهمين إنهم أقوى من كده فبيتعبوا قوي

mindonna said...

باشا و الله يا إيمان جميلة جدا
أنا هقولك بقي عملت إيه عشان أبطل أفكر في الخواطر اللي ملهاش حل دي
مبعملش مكياج
مبروحش الكوافير كل اسبوع(بروح كل
اسبوعين :)
مش بصبغ شعري
بعتبر الراجل بني آدم و ليس ملكا أو الها
اعملي اللي انت عايزاه و متسمعيش لحد يقولك نصيحة داخلة فيها كلمة (عشان كلام الناس )
بحاول اسمع كلام ربنا
و بس
شفتي السعادة اللي أنا فيها ؟:)

رشا عبد الرازق said...

تااااااااااااااااااني ؟ لا يا ستي يفتح الله انا كل ما أروح مدونه ألقي روحي هصدع الناس بنفس الأفكار وألقي البنانيت قضية الساعة ... بس الحقيقه فرصة جميلة ليه للمرور بتدوينه مميزه :)

free soul said...

eman, you missed the most important point in what i wanted to say!!

What i wanted to say is that heritage is not coming through men, actually it is coming through women!!

Look at that, the mother is the one involved in raising her daughter and by defult she transfer the prison she hated to her daughter !!

the mother is the one that arranges for "al khetaan", she is the one that watch every single act of her daughter and start to put southands of prisons on her, she is the one that teach her to talk in way that make her look good, to move in a way, to act in a way, to be someone else so that the community will accept her and so that she finds "3arees kowayes" :)

on the contrary, fathers doesn't have much hand in that, I think in most cases they are more free from these ideas (at least that is what i see around me), about the new men of this generation, most of them can't accept the beautiful face as a pride

I can't deny that beauty still represent an important part, but that is not bad after all as much as it is not the only thing required and as long as it don't put you in a prison trying to be as beautiful as possible and thinking of nothing else

Eman M said...

mindonna
ماهو كلام الناس هوة اللى مودينا فى داهية دايماً:(

بنت عادية جداً
يا ريت تصدعينا يا ستى، أنا باحب كدة :)
أهلا بيكى

freesoul
mmm, mesh 3arfa a2olk eih, mashi m3ak fe door el om fe tarbeyt el bent men w heya soghiera, bas bardo maho momkn teb2a kweisa w tamma mesh moqtane3a b qeyood, bas amma tokhrog lel mogtamma3 tela2i 7aga tania khalas, w hona takon el sadma..
well, ama neshof amma tetgwez :)

free soul said...

walahi el mogtama3 beta3na bayez men magameee3o, mesh el mar2a we bas elly mazlooma, when she moves out to the open world she will find alot to fight against, including the injustice with women that I can never deny :)

bas what do you mean with "lamma tetgawez"!! ew3y tekony beto2sodeny, leeh bas el da3awaaaat el we7sha deh
lol :)

aboyousif said...

الوجه الأخر للعملة ..

- مفيش سواق يغلس معاك عشان مفيش معاك فكه ويدوخك على كل المحلات عشان نص جنيه مثلا ,, هيقولك خلاص يا عسل الحساب وصل ... لأنك امرأة.

- مفيش حد في بيتكم هينزلك من الدور الرابع كل ربع ساعه عشان تجيبي باكو لبان للمحروس أخوكي لأنك امرأه.

وبعدين الموضوع مش إن المجتمع بيفرض عليها الدور ده، بقدر ما إن الفكر النسوي للأسف تمرد على الأنثى .. يعني مثلا إذا اعتبرنا إن ثقب الأذن يقابله الختان، و منع اللعب مع الأولاد يقابله منع الأوالاد من اللعب مع البنات( :) )، و موضوع الجلوس في الحدائق و تسلق الجبال و البيات في الصحراء ده واسع شويه .. و النظر للملبس و حجم الأنف ده المرأه اللي بتفرضه باهتمامها الزيادة بيه، و موضوع المشي ليلا ده ممكن لو معاكي أخوك ولا أبوك، تلطيخ الوجه مش فرض، الأنظمة الغذائية تهون أمام صالات الجيم، موضوع العسل و اللبن و الكيماويات دي مش فرض و ده بيتعمل جريا وراء معرفش مين بتاعت دريم اللي مالهاش في أي حاجه و تطلع تخنق علينا ساعة الماتشات و خلاص، النظر للنساء الاخريات و الأغاني المصورة مبتعدوهاش و اسألي عن أسباب الطلاق، حين تبكي (ده لو كانت بتبكي من أصله) تجد نظرات تتسائل و هي دي حاجه تخليها تعيط (لازم تجمدي شويه)، و موضوع الندبات و الترهل ده طبيعي إنه ينفر .. معلش ماهو متزوج أنثى مش معلمه في مذبح، يكذب ويخطئ وبتسامحه من مره واحده بس ( ده لو قلبها كبير) بعد كده بتقول له طلقني أو بتجيب أمها تقعد عندهم و تخلي حياته أسود من قرن الخروب، تنسب تقاريرها الناجحه لمديرها و كذلك تقاريره .. ده فساد إداري مالوش علاقة بالمرأة و الرجل، الأدوار العشرة ممكن تختصروهم لو وافقتوا إنكن ترجعن للأنثى .. مش لازم تبقى مراتي مدير عام يعني.

Lone Wolf said...

i liked that article a lot,thanx for the good moments

وليد said...

هذه النظره للمرأة المسكينه
وهن كثيرات

لكن هناك نساء يفعلن ما يردن
وعلى اكمل وجه
وبكل قوه
وعنف

المووضع نسبى

ويظل المجتمع هو السبب الرئيسى فى ضياع حقوق المرأة والرجل على حد سواء

ensanbey7ess said...

مبدئيا اريد ان ابدى موافقتى شبه الكاملة على تدوينتك الاخيرة حيث انها تعبر عن اراء و فكر مجتمع فى نظرته للمرأة و لكن حتى نكون موضوعيين يجب ان نلقى نظرة على فكر نفس المجتمع فى نظرته للرجل , ليس مقارنة او دفاعا عن الرجل بل تكميلا للموضوع ذاته


لانه رجل ....ـ

يترك المدرسة مبكرا ليعمل لدى نجار او ميكانيكى , او فى مقهى , او يضطر ان يذاكر و يعمل فى الوقت ذاته , باحثا عن لقمة العيش له و لاسرته .........لانه رجل

عندما يقضى 3 سنوات كاملة من عمره – دون فائدة - , فقط كى يؤدى الخدمة العسكرية .......لانه رجل

عندما لا يجد عملا و يضطر للسفر للخارج للبحث عن عمل , ليعيش فى غربة عن كل شىء : اهله , اصدقائه , بلده ,....الخ ........لانه رجل

عندما لا يحق له البكاء " ازاى تعيط ... هو انت بنت ؟؟؟" ...لانه رجل

عندما يحمل على عاتقه مسئوليه تكوين نفسه ماديا ( يشترى شقة محترمة و عفش و.....) , فقط ليكون مؤهلا لتكوين اسرة ..... لانه رجل

عندما ينام كل فرد فى اسرته مغمض العينين لانه – كل فرد - يشعر بالامان فتلك ايضاً مسئوليته ....... لانه رجل

عندما يتقدم لخطبه احداهن ... فتنظر لجيبه قبل عقله ( الراجل مايعيبوش الا جيبه )...... لانه رجل

عندما يقف فى طابور 5 متر لقطع تذكرة مترو و فى لحظة يجد امرأة اتيه لتوها و تقف فى المقدمة و لا يستطيع الاعتراض لانها امرأة ... و لانه رجل

عندما يعمل فترتين صباحا و مساءا , يضحى بحقه فى الحياة , فقط ليلبى احتياجات بيته و اسرته , يضحى سعيدا براحته ....... لانه رجل

عندما لا يحق له الاحساس بالتعب او يكل من العمل ..... لانه رجل

انتظر تعقيبك....ـ

Eman M said...

Ensan,
You are right about some issues that you mentioned here yeah (like the crying issue), but some of them yet are "Responsibility" more than being "Mazloom" from the society.
But for women, I didn't mention a "Responsibility" case, like cooking or housework, all what I mentioned was just issues against the nature and just the invention of our society no more.

Anyways, from all the replies, I didn't expect that all these men feel enaha Mazolma heya kaman from the society keda; unexpected actually.

ensanbey7ess said...

معاكى حق .......ـ :)

sydalany-وش مكرمش said...

أنا مع إنسان مائة في المائة

و معاكي 15 في المية

whynot said...

Ladies …
maybe we can not change a heritage of religious interpretations and social customs
... but please do not forget that you are tomorrows mothers, who can break the vicious cycle by bringing up there children differently. Raise your little girls as human beings!! And your little boys to respect there sisters as peers! U have all the power to change the society, so don’t complain !! ;)

Anonymous said...

tomorrows mothers
بكرة تندم ياجميل انت وهو

مجاهد مصرى said...

eman-m

كل ما بامكانى قوله اليكى اختى فى الله ...

ان المرأة من ان بدأ الرسول صلى الله عليه وسلم فى بدأ نشر دعوته ..

وهو لا يفرق بين رجل وامرأة

فكان يجمع نساء ورجالا على السواء ..

لاتنظرى غاليتى الى ما حرمك منه المجتمع ولكن انظرى الى ما عطاكى المجتمع ...

وتذكرى ان الرسول كان اول من سجد لله .. وكان ثانى من سجد لله بعده

السيدة خديجة رضوان اللع عليها ..

Tamer said...

I agree with geronemo that it's individual & it's all about the female more than the society, I agree also with Emy that there is a problem (as there should be away to protect those who cannot fight) but I disagree with Emy in the responsibilty issue coz the difference between resposiblity & obligation is defined by the society which we have agreed that it is unfair with women so we can't say that it is fair with men or we'll be biased.
We have also not to ignore that the women is doing this not only for the society but also for herself to get a husband & in a free world the man would chose the beautiful girl & the girl will do the same (normally).
So, If a women see the guy looks nice in make up I can guarantee that guys will put make up but they see them nice in a suit so the guys fulfill thit need.
I agree that there is a problem but I don't see it about the obligations but I see it about the freedom (any girl can chose her own way & accept the results which is about finding a guy to like her as she is - which is valid even under the society's obligations- but very low percentage have the guts to fight coz they are afraid not to be liked & that's another issue to be discussed)

Majd said...


المشكلة في مصر , و سوريا , و العالم الإسلامي كله!

تفسيرات خاطئة للدين أدت بالمجتمع إلى الهاوية!

كلامك بيجنن ..... بصراحة

صديقي جار القمر خبرني من فترة
"مرحبا بك في النادي الوحيد الذي يمثل الوحده العرب"

Mohamed Meshref said...

المشكلة ان البنات فى المجتمع العربى عامة و المصرى خاصة ليس لهم اى طموح (دة صحيح بنسنة اكتلر من 99%)

وهديلك مثال: انا مثلا تخصص علوم حاسب, ومع انى اعرف بنات فى المجال دة كتيرررررررر جدا, بس ولا واحدة فيهم نقدر نقول انها جامدة, بل بالعكس, معظمهم بيكرهوة.

دة غير ان المراة هنا بمجرد ان تتزوج, يتوقف نموها العقلى (بردة بتكلم عن الأغلبية), بمعنى, لو مثلا تخصص طب, كلها سنة ولا اتنين ومتبقاش عرفة دوة الكحة اسمة اية, بردة البنات نفسهم فيهم عيوب كتير, المجتمع كلة اصلا منهار (وعلى فكرة, الأنهيار الأخلاقى كاد ان يصبح مثل الغرب ان لم يكن اكثر)!!

nirfana said...

جعلتنى تلك الكلمات أكتب قطعه ادبيه شبيهه لها

... للأمانه أقتبست منك ِ السطر الذى تقولين فيه

يريقون اول قطره من دمى بثقب أذنى

سأنشرها يوما كامله بمدونتى الخاصه

فهى الان فى طور المونتاج الصحفى


تحياتى

نيرفانا صبرى

إياكش تولع said...

your words are so beautiful

keep going

karakib said...

الكلام ده يتعب الاعصاب و يوجع بس لازم نفكر فيه فعلا ليه الحقوق للرجاله بس لسه كنت شايف في مدونه تانيه كلام دريد لحام عن زوجته و مغامراته النسائيه 000 و فخر الرجال بالمغامرات العاطفيه و اعتقادهم بانها تزيدهم رجوله 000 انا مش باقول انه المفروض انه المفروض الانثي تتساوي معانا في ده لانه غلط لكن انا باقول انه ليه دايما الرجال بتفخر بهذا الشيء بشده مع انه جارح لشريكاتهم فالحياه جارح جدا استطيع تمييز ذلك مع اني رجل من عيون النساء و لن انسي ابدا هذا الصديق الذي فعلها امامي 00 و نظرات زوجته التي كانت تكاد تغرق في عرقها

Me said...

Chokrane 3ala haadihi al modawana al mofiida.


-------
رجيم

 

eXTReMe Tracker