Thursday, March 08, 2007

كيف لى أن أتذكر الأحلام؟

أحلم كل ليلة أحلام غريبة، مليئة بتفاصيل و شخصيات لا تمت للواقع بصلة، ممتلئة بخيالات و ابتكارات و أشياء مسلية. فكرت عدة مرات فى كتابة قصص معتمدة على ما أحلم به، لكنى واجهت مشكلة كبيرة، أنى لا أستطيع تذكر أى تفاصيل من الحلم بعدما أستيقظ بدقائق أو ثوانى.

جربت تجهيز ورقة و قلم بجانب وسادتى لكى أصحو من الحلم لأكتبه فى الحال. نجحت فى ذلك مرتين فقط.
المرة الأولى كانت بعد الحلم مباشرة، فتحت عيناى فتحة بسيطة و أدركت فى ثوانى أنى انتهيت من الحلم فى التو، كانت الساعة حوالى الرابعة فجرأ، انتفضت فجأة من السرير و أمسكت بالورقة و القلم و كتبت كل ما استطعت أن أتذكره، كنت أكتب بسرعة رهيبة خوفاً من أن أنسى نهاية الحلم قبلما أنتهى من سرده.

أتخيل أنه يوجد جهاز فى مكان ما قادر على تسجيل الأحلام صوت و صورة، و أنى عندما أستيقظ أشاهد أحلامى كفيلم فيديو.
لو كنت أملك مالاً لاستأجرت مخترع بارع لإختراع ذلك الجهاز لى، فمعظم الأحلام أريد أن أراها ثانية، و أحلام مُعينة أتذكرها من الحين للآخر، و أتمنى لو أحلمها مجدداً.

حلمت اليوم بالنوتة اللاسيلكية، هكذا أسميتها، كان أحمد يكتب بعض الخواطر فى نوتة بقلم رصاص، و أجلس انا فى مكان بعيد جداً عنه و معى نسخة من نفس النوتة. أرى كل حرف يكتبه أو يمسحه كأنه يكتب أمامى .. اختراع جميل، الحمد لله ان ذاكرتى احتفظت بذلك الحلم إلى ان اكملت حكايته الآن :)
أتمنى أن أتذكر الأحلام دائماً بعد الاستيقاظ .. ماذا أفعل؟

21 comments:

توتة توتة said...

من اكثر ما تنسى الاحلام
ده تقريبا كلام شكسبير

تسـنيم said...

أنا كمان بمر بنفس الموقف..
لكن صدقيني الحلم الذي يترك شعور بالسعادةوالأمان والراحة دون أن تتذكري تفاصيله خيرا من حلم تتذكرين أحداثه ولا يترك في روحك بصمة..

لا ترهقي نفسك بتذكر الأحلام.. فقط عيشيها في يومك. محبتك

e7na said...

بتغيبى وقت كبير وترجعى بتحفه تنسنا طول الغيبه
ممكن متتأخريش فى الكتاب

e7na said...

بتغيبى وقت كبير وترجعى بتحفه تنسنيا طول الغيبه
ممكن متتأخريش فى الكتابه

Ahmed ElSharawy said...

ده عادي جدا. أضغاث أحلام. لو حاجه مهمه هتفتكريها

salateenoo said...

في احلام الواحد مش ممكن ينساها ...لكن في احلام بسيطة ممكن تتنسي بمجرد الصحيان ...يعني على حسب قوة الحلم

sydalany-وش مكرمش said...

للأسف الأحلام من كتر ما أغلبها بقى واقعي جدا الواحد مش عارف هل الحلم حصل في الحلم ولا كان حاصل و الواحد صاحي و مش مركز

مفيش غير بس الأحلام الغريبة هي اللي ممكن تثبت
مثال
راجعي مدونتي فيها 3 أحلام غريبة
لكن ولا حلم طبيعي

و قبل ما انسى:
ما شاء الله على إيه بالظبط
على التدوينة
ولا التعديلات في البلوج
و لا إن واحدة أعجبت بصةتي و بتغلس عليا
ولا على إيه بالظبط؟؟

تحياتي
:0)

Hechkok said...

May be it is a blessing to forget about our dreams when we wake up, remember that not all dreams are good and worth being remembered.

حسام said...

فكرتيني بحاجه قريبه من الموضوع ده حصلت لي في رحلة المنيا في ديسمبر اللي فات

صحيت قبل الفجر حران وعطشان بسبب التدفئة القوية ولسه في دماغي معادلة حساب قوة الحلم! ده كان موضوع الحلم نفسه ... هاهاها

فضلت احكي على الفطار في الاوتيل لكل صحابنا تفاصيل المعادلة المضحكة بتاعتي ومن كتر ماحكيتها حفظتها فاطمنت عليها

تاني يوم في القاهرة لقيتني مش فاكر منها حاجة

Aladdin said...

أود تسجيل أحلامي أيضاً، بس الأحلام الحلوة بس!

karakib said...

و أنا كمان في حلم طول عمري باحلمه عمري ما عرفت أكتبه
اني طاير فالهوا

karamla said...

بيقولو من غير الاحلام كان زمنل موتنا
كل واحد بيستمد احلامة من عقله الباطن الى بيخزن طول اليوم صور فى صور
فى ناس بتفتكر أحلامها وفى ناس مبتفتكرشى
أنا لما بحلم مش بحلم بحجات خيالية زيك كده.كل أحلامى تقريبا مواقف يومية وكلام عادى جدا أكنه حقيقة.
وعلى فكرة بالنسبة لموضوع تسجيل الاحلام ده نجيب محفوظ عمل كتاب كامل من أحلامه.فكرة حلوة مش كده

karamla said...

بيقولو من غير الاحلام كان زمنل موتنا
كل واحد بيستمد احلامة من عقله الباطن الى بيخزن طول اليوم صور فى صور
فى ناس بتفتكر أحلامها وفى ناس مبتفتكرشى
أنا لما بحلم مش بحلم بحجات خيالية زيك كده.كل أحلامى تقريبا مواقف يومية وكلام عادى جدا أكنه حقيقة.
وعلى فكرة بالنسبة لموضوع تسجيل الاحلام ده نجيب محفوظ عمل كتاب كامل من أحلامه.فكرة حلوة مش كده
myblogger:http//karamla.blogspot.com

Sameh said...

from the moment i saw ur profile by chance, i was surprised.... astonished, who is that person writes about this person is writing about me, no this person is me.... i am Virgo, loves the same movies, music, interests... strange, i told my self i have to contact u... whether it is write or wrong to write these words, i wrote them, i know nothing about u, just a first impression expressed within these words.
Sam

أحمد سلامة said...

مش يمكن جمال الاحلام في اننا مابنفتكرهاش قوي
ساعات التفاصيل بتقلل من جمال الاشياء
واكبر مثال على كده فى الحياه هو الحياه نفسها

Just Me said...

احلى حاجه فى الاحلام
انها احلام
بتتنسى
و بنفتكرها ساعات

Tigress said...

احلى حاجة فى الاحلام هلوستها، انها مشاهد من حياة اخرى لم نعيشها وعشناها فى الوقت نفسه، شفناها وحسينا بيها وضحكنا واحنا بنحلم بيها لكن محصلتش.. خليها احلام غير مسجلة ولقطات سريعة بس علشان تفضل حلوة ومجهولة وغامضة

faryo said...

كلامك جميل و مؤثر قوي
اسمحيالي اهنيكي علي رقة مشاعرك
فاروق الجمل
صحفي بالمصري اليوم
و شاعر

sosa said...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

momken said...

بسيطه علشان متنسيش الاحلام متقميش من النوم مره واحده يعنى اصحى وافضلى شويه على السرير بنفس وضع النوم

لكن واضح انك يتفزى مره واحده وتنطى من السرير اول ما تفتحى عينك

ملحوظه اوعى تبصى فى الساعه اول ما تصحى من النوم

Murtaza Mohsen said...

انا حمزة في الشهر مرة اتذكر حلمي لماذا

 

eXTReMe Tracker