Tuesday, February 21, 2006

وحيد و وحيدة

هو: إحساس الوحدة دة حاجة تتضايق أوى يا أخى
هو: يا سيدى أمّا تحس كدة كلمنى و ننزل نقعد على أى قهوة

هى: أنا ببقى متضايقة أوى لمّا أحس إنى وحيدة
هى: لو جالك الإحساس دة، شغّلى أُغنية إنتى بتحبيها و اتخيلى إن كلامها بيتغنالك انتى مخصوص

15 comments:

Anonymous said...

هى : انا حاسة انى وحيدة, انت بطلت تخرج معايا ليه
هو : اخرج معاكى, منين, هو انا لاقى وقت , لما تبقى وحيدة ارفى شرابات العيال

Anonymous said...

يا ريت الموضوع سهل كده
الوحده دى داء
علاجه اصعب منه

ensanbey7ess said...

مش عارف اذا كنت تقصدى ان الرجل يرى علاج الوحدة فى الجلوس على القهوة و المرأة فى اغنيه ام لا ؟

و لكن ممكن اقول ان العكس برضة ممكن يحصل يعنى البنت ممكن تنزل تروح كافيه ( مش لازم قهوة ) و الولد ممكن يسمع اغنيه و ده بيختلف حسب شخصية الانسان و نوع الوحدة الذى يعيشها و اشك ان له علاقه بولد او بنت
و الله و اعلم

Anonymous said...

It didn't work ya Emi :(((

Dina El Hawary (dido's) said...

مفارقة جميلة يا إيمان ...
and I do agree with ensan ,, its not a matter of a boy & girl .. it's just personalities

Omar Ali said...

ملايين الناس مزنوقيين فىمساحة متر فى متر وكل واحد فيهم وحيد

شىء سريالى جداً

Unknown said...

fe3lan it didn't work yemken kan zman bas now to2 to2 :)

littilemo said...

اصعب الوحده هو وحده الانسان المظلوم الذى بلا نصير

وحده الانثى كنا تصفينها هى الاحتياج للرجل

ووحده الرجل كما تصفينها ايضا هو الفراغ

ولكن الوحده اشمل بكثير مما تصفين

شريف محمد said...

الردود طبيعية و تلقائية ..صحيح..
هل الرجل بحاول يلاقي حل لوحدته في احتواء الصديق (وأهو نحط خيبتنا على بعض) ؟
هل المرأة تفضل السرحان مع نفسها وتقليب مخزون أحلامها واّلامها (أنا عايزة أقعد لوحدي شوية)
كلنا نتمنى ان الحوار يكون (هو) مع(هي) ... ساعتها الشكوى من الوحدة مش هايبقالها معنى..ومش هايبقالها وجود
بس ياريت حل الوحدة يكون بنفس بساطة وضع هو وهي مع بعض في ديالوج
هنا بقة مش هايكون فيه وحدة .. هايكون فيه زعيق وخنقة واحباط وتلطيش
وطبعا يرجع هو يشكي لهو , وهي تشكي لهي .. ورجعنا لنقطة البداية من تاني

Zeinobia said...

ask me about the loneliness
when I feel lonely I began to read the one thousands nights and one "I got them" or even better hear some Shadia's song "bzat Halwa El-donia sokar"

Unknown said...

See how we guys are more useful and offer more help than you girls :P

Nour said...

عارفة يا إيمان.. البوست ده فكرني بتعليق كان مبعوت لبوست سيكريت

"What's realy heart-breaking is that all those beautiful lonely people can not seem to find each other"

:)

ruby said...

ومين سمعك يا ريت فى رجالة كدة

shababik said...

انا مش موافقك ع الحلين.
علي فكرة الراجل اكتر احساس بالوحدة من البنت
البنت صاحبتها بتبقي قريبة منها اوي
انما الرجل الي حد ما غامض ومش بيقول فا مش بيلاقي اصلا حد.
وممكن القهوة نفسها هي الاحساس الاساسي بالوحدة بالنسبة لي

ف اوقات معينة

daktara said...

دي اول مشاركة ليا في المدونه دي وبجد المدونة جميله للغاية
اما بالنسبة لموضوع الوحده ده, فاللي انت كاتباه يرجعنا لموضوع اعمق وهو طبيعة الصداقة بين الولد للولد ومقابلها في الصداقة بين بنت واخري
فالولد دائما يقف بجانب صديقة ويحاول ان يخفف عنه في محنته ويقف دائما بجانبه في فرحه وفي حزنه
اما صداقات البنات فيما بينهن فأغلبها يعمها الغيرة والانانية وشفتي ده لابسة ايه ودي بتكلم مين ودي ماشية مع مين
باختصار معظم صداقات الولاد فيما بينهم صداقة بجد
اما معظم صداقات البنات فهي صداقة سطحية وشكلية فقط

 

eXTReMe Tracker