Sunday, February 05, 2006

حنينى أم كبريائى

ألمح وجه في الزحام، وجه أول ما وقعت عيناى عليه تذكرته، وجه صديقتى القديمة، أنتفض من مكانى برعشة عنيفة و أقف فى مكانى مُتسمرة.
تتحرك عيناي ببطء شديد مع كل خطوة تخطوها، لا استطيع أن أقرر هل أجرى عليها أم أتجاهل أنى رأيتها، فعلاقتنا انتهت من فترة طويلة، و للأسف لم تكن نهاية سعيدة.

كنا أصدقاء، لم نعتبرها علاقة حميمة و لكنها نوع من أنواع الصداقة، تسربت المشاكل بيننا حتى وصلت إلى حد لا يمكن معه إبقاء صداقتنا، افترقنا و مرت أيام و أيام.
كنت من حين لآخر أتذكر وجهها الطفولى و أتذكر مواقفنا سوياً، لا أفكر فى العودة و لكن أريد أن أعرف أخبارها، أطمئن عليها، ماذا فعلت بها الحياة؟ و ماذا فعلت هى بالحياة؟

كل تلك الكلمات تملأ عقلى و ما زالت عيناى تتعلق بخطواتها، و ما زال قلبى يملؤه التردد، و يبدأ فى الدق بسرعة شديدة، ماذا أفعل؟
حنينى يطلب منى أن أجري عليها، و لكن كبريائي يمنعني، أفكار و مشاعر و صراع فى ثوانى تجرى بنفس سرعة خطواتها أمامى.
لا أدرى ما القرار الذى اتخذته و لكنى وجدت نفسى أقترب منها سريعاً و أناديها بصوت عالى، تُدير وجهها إليّ بإستغراب، و أقف مذهولة معتذرة: "أنا آسفة..افتكرتك حد أعرفه"

14 comments:

Me said...

Beautiful !!!

عشقك ندي said...

انت عملت الصح وهي طلعت ماتستاهلش الصح ده معلش الناس اللي عندهم ابيض من جوه كتير بيتصرفوا بتلقائية جميلة متجاوزين خطوط الكبرياء اما الناس اللي الاسود ملطّش عندهم جوه رد فعلهم بيبقي زي ما حصلك من صاحبتك استمري كما انت تلقائية عفوية وملعون السواد اللي جوة التانيين

Dido's^^^ said...

Don't Know ya Eman .. Might this be a sign that you should check on her ..

Sometimes people do chane by time ... maybe she is not that perosn you knew anymore

Mesh 3arfa keda .. ma te give her a call !!!

Apart of this .. the piece is very nice :)

Eman M said...

عشقك ندي
حصلك من صاحبتك ؟
أنا ما قابلتهاش، إنت ما أخدتش بالك من النهاية؟ ما طلعتش هية أصلاً

شكرا يا مى و يا ديدو :)

Anonymous said...

و الله انتي طيبه قوي .. ربنا يخليلك اصحابك الطيبين الحلوين يا ايمان ..

ممكن تشوفي صديقه مشتركه ليكي و لصاحبتك اللي هافه عليكي دي و تسأليها عنها ..

MaLek said...


يتكرر معي الموقف كثيرا جدا بس في حالات اخرى
تدوينه رائعه

nirfana said...

إيمان ... ألهمتينى فكره لكتابه شىء

أدعوكى لزيارة مدونتى

ورؤيه البوست الجديد

أهديه اليكى

لكى الفضل الاول

تحياتى

Ahmed Shokeir said...

بالرغم إنها ماطلعتش هيا بس كانت تجربة أكدت إن الحنين أحيانا بيكون أقوى من الكبرياء
وكده الإنسان يكون أنقى

wa7d mn el e5wat said...

انا مش حكلم على الاسلوب الرائع ما شاء الله ربنا يكرمك

انما اللى انتى عملتيه ولا يقلل من كبريائك قطرة بل بالعكس !!!!

بصراحة فكرتينى بمواقف كتيرة حصلتلى ساعات الكبرياء يغلب و ساعات الحنين , بس بجد المرات اللى غلب فيها الكبرياء كنت انا ببقى زعلان فى الاخر , لان ده مش كبرياء و لا عزة انمل ضعف و ذل من مواجهة حقيقة انا مش قدها

بس الواحد مبيتعلمش بلاش !!!
لان الواحد عرف بعد كده ان انتى قبل ما بتعاملى حد بتعاملى ربنا

يا ريت كل الناس زييك !! ربنا يحفظك

S H E B A K said...

كويس انك ناديتى عليها
يمكن لو كنتى طنشتيها
مكانش بقى عاندك حاجة تحكيها
لكن انتى دلوقتى عارفة انها وحشتك

S H E B A K said...

:-)
على فكرة ما كنتش اقصد شعر تماما
هى طلعت كدة

shababik said...

ياااااااااااا

مفارقة تحفة يا ايمان.
وانتي عملاها كويس اوي

daktara said...

اسلوبك رائع للغاية في الكتابة
علي فكرة الموضوع بيحصل كتير للواحد لكن انت استطعت التعبير عنه بحرفية رائعة في الكتابة

mahmood said...

من خلال هذاالموضوع ارى فى اعتقادى الشخصى انه من اهم الاشياء اللى لازم نحافظ عليها هو احتافظ الانسان بنقاء شخصيتة وجعلها دائما تقاوم اى مواقف قد تؤثر على هذا النقاء ، وان يظل الانسان محتفظ بصدق مشاعرة واحساسة مهما تعرض فى حياتة لبشر ليس لديهم التقدير والاحترام لهذه المشاعر والاحاسيس ، وعلينا جميعاان ندعم من حولنا فى حالة تعرضهم لمواقف قد تصيبهم بالاحباط من جراء تعاملهم مع اشخاص يتصفون باشياء بعيدة كل البعد عن الانسانية وذلك بالتاكيد على ان يظل محتفظا بنقاء شخصيتة و يستمر فى تعملة مع الاخرين وفقا لشخصيتة هو وهذا لا يمنع من ان يكون الانسان كيس فطن وعلى حذر من الوقوع فى التعامل مع مثل هؤلاء البشر ، اتمنى ان اكون قادر على التعبير عن ما بداخلى ، مع خالص تحياتى واحترامى

 

eXTReMe Tracker