Sunday, July 03, 2011

ملخص ما حدث: مسرح البالون - وزارة الداخلية - التحرير

كتير من الناس لحد انهاردة مش فاهمة هو إيه اللي حصل بالظبط في مسرح البالون و التحرير ليلة 28 يونيو. بعد ما شفت معظم البرامج اليومين اللي فاتوا و سمعت حكايات شهود العيان، قررت أنقل وجهة النظر الغالبة وأعرض الموضوع كله بإختصار شديد.

ماسبيرو:
مجموعة من الأشخاص المجهولين راحوا لأهالي الشهداء المعتصمين عند ماسبيرو  و قالولهم فيه تكريم عند مسرح البالون، يلا تعالوا. بعض من المجهولين أخدوا/سرقوا صور الشهداء و مشيوا وسط مسيرة الأهالي اللي اتحركت تجاه البالون، سيراً على الأقدام.

شهادة فتاة عن سرقة صورة الشهيد
http://www.youtube.com/watch?v=J8h3jyQOH1M   

مسرح البالون:
عشر أسر شهداء فقط اللي كانوا مدعوين للتكريم. مسيرة أهالي ماسبيرو وصلت، حاولوا الدخول، موظفين المسرح منعوهم و أتهموهم أنهم ليسوا أهالي شهداء. شباب مجهول بكميات كبيرة ظهر فجأة، يُقال ان فيه أوتوبيسات نزلتهم.
حدث هرج ومرج و الشباب تسلقوا سور بوابة الدخول، الشرطة جت، هاتك يا ضرب في الناس، قنابل مسيلة للدموع و صواعق كهرباء. أم الشهيد أحمد زين العابدين اتشدت هي و ابنها و بنتها و 9 شباب اتحولوا على قسم العجوزة و النيابة العسكرية بعد كدة.
الشرطه تعتدى على متضامن مع أهالى الشهداء، صوت صاعق الكهرباء مسموع جداً
http://www.youtube.com/watch?v=e6RGXqf_NPM

أم الشهيد أحمد زين العابدين تحكي وقائع اعتقالها والاعتداء عليها وابنتها في قسم العجوزة و القبض على ابنها:
 http://elbadil.net/%D9%88%D8%A7%D9%84%D8%AF%D8%A9-%D8%A7%D9%84%D8%B4%D9%87%D9%8A%D8%AF-%D8%A3%D8%AD%D9%85%D8%AF-%D8%B2%D9%8A%D9%86-%D8%A7%D9%84%D8%B9%D8%A7%D8%A8%D8%AF%D9%8A%D9%86-%D8%AA%D8%B1%D9%88%D9%8A-%D9%84%D9%84/

والد الشهيد مينا يحكي تفاصيل أحداث مسرح البالون: http://www.youtube.com/watch?v=dPa9UczlFHw

وزارة الداخلية:
اللي حصل من الشرطة قدام المسرح كان النقطة الفاصلة اللي أثارت أهالي الشهداء و تضامن معاهم ناس كتير، اتجهوا لوزارة الداخلية، الناس هية اللي بدأت الضرب تعبيراً عن غضبهم انهم اتهانوا و اتضربوا قدام المسرح و للمطالبة بالإفراج عن من قُبض عليهم. اترمى طوب تجاه الأمن المركزي و اتكسرت عربيات، رد الأمن المركزي بالطوب و ابتدى الضرب المتبادل. تراجع الأمن المركزي في لحظة و اتنقل المشهد لميدان التحرير.

التحرير:
غاز مسيل للدموع بكميات خرافية، تراشق بالحجارة، ألفاظ نابية و رصاص مطاطي وخرطوش. عنف شديد وغير مبرر من الشرطة، و معركة استمرت للتاسعة صباحاً، بالرغم من أوامر العيسوي بوقف الضرب والإنسحاب من الثالثة فجراً.

الداخلية تشتم الشباب بألفاظ غير محترمة عبر مكبرات الصوت http://www.youtube.com/watch?v=3Fk0BoCl0N8

واضح هنا كمية الرصاص اللي اتضرب، التراشق بالحجارة و الظابط اللي ظهر بالسيفين راقصاً:  http://www.youtube.com/watch?v=WVrOrVEhgt8

صورة لمصاب ضهره متخرم رصاص مطاطي  
http://www.twitpic.com/5iienh

ملحوظات عامة:
- الشباب كانوا بيقلعوا التي شيرتات عشان يحموا نفسهم  من استنشاق الغاز المسيل للدموع و
يربطوا على الجروح، ف مش شرط ان ما دام شباب قالعين هدومهم يبقوا بلطجية

- الموتوسيكلات اللي كانت بتجري في وسط الميدا ن هية اللي كانت بتنقل المصابين،  لحد عربيات لإسعاف اللي كانت راكنة عند المتحف المصري. ف مش شرط اللي راكبين الموتوسيكلات دي بلطجية

- الشرطة رمت قنبلة غاز على وش ولد مباشرة، الولد ممكن يكون توفى. القنبلة مكتوب عليها ممنوع إلقائها مباشرة على أي شخص، صورتها هنا. http://www.flickr.com/photos/emanm/5892086344/in/set-72157627093949630
صورته و الفيديو:
https://picasaweb.google.com/104954019629897575707/2829JuneInTahrirAndBabElLuk?authuser=0#5624147749566671410
http://www.youtube.com/watch?v=xKgzTPEfrvg&feature=youtu.be&skipcontrinter=1

- الشرطة استخدمت قنابل غاز جديدة، انتاج مايو 2011 بالإضافة للمنتهية الصلاحية، انا صورت واحدة انتاج 1995 -
http://www.flickr.com/photos/emanm/5892086986/in/set-72157627093949630/

صور و فيديوهات عامة للحدث:



4 comments:

Anonymous said...

تجميع ممتاز يا ايمان جزاك الله خيراً
يمني

Anonymous said...

Ya Eman tool 3omrek gamda (Y)

Nahla Mohammad ;)

Anonymous said...

شكراً يا إيمان، لكن أحب أضيف ان أنا كنت من شهود العيان أمام مسرح البالون وفوجئت بالبلطجية، وبكرر بلطجية، لأن مافيش أسر شهداء شايلين سيوف وسنج وكزالك. والشرطة اضطرت تفتح النار عليهم (ضربوا فى الهوا) عشان يحموا نفسهم والمارة، لأن كان عددهم ضخم جداً وماكنش فيه غير 2 ضباط وعسكرى. يوميها انا اتشاهدت على حياتى وكنت سعيدة جداً بتصرف الشرطة. من فضلك ما تفهمنيش غلط، أنا مع الثورة ومع اننا نجيب حق الشهداء مهما حصل، بس فعلاً دول مش أسر شهدا

Eman M said...

@Anonymous
أه انا عارفة ان كان فيه بلطجية بجد، الأهالي نفسهم قالوا و احنا قدام البوابة لقينا البلطجية دول جم فجأة، وهوة دة اللي انا قايله عنه:

"شباب مجهول بكميات كبيرة ظهر فجأة، يُقال ان فيه أوتوبيسات نزلتهم."

 

eXTReMe Tracker