Saturday, May 30, 2009

زى كل يوم


أستيقظ فى العاشرة صباحاً مثل كل جمعة. أجدها جهزت الإفطار المعتاد لليوم، البيض المسلوق، الجبنة البيضاء، الزيتون الأسود و العيش الشامي. إفطار أيام وسط الأسبوع يختلف، فول ومربى فقط، يتغير نوع المربى من الفراولة للجزر للتين أو المشمش، على حسب المزاج.

أخذ حمام الجمعة، نفس المنشفة الرمادية المخططة الباهتة كأنها غسلت مليون مرة مع أني أشتريتها من شهرين فقط.

أفتح دولابي، نفس بنطلون الجينز المتآكل، نفس الخمس جوارب، نفس الثلاث بنطلونات، نفس القمصان اليومية، أريد أن أشتري قميص جديد، و لكنها حرّمتني أن أفعل ذلك. تستخدم الكلور فى الغسيل، فأصبحت جميع ألوان ملابسي باهتة.

أعود إلى المنزل بعد صلاة الجمعة، لأجد البيت غارق فى نفس رائحة البخور الأسبوعية. البخور التى أشتريها من نفس العطار أول شارعنا. كل مرة يلقي على مسامعي أحاديثه المملة عن تفرده فى استيراد تلك البخور من الهند و عن مكوناتها الطبيعية و مميزاتها و عن العائلات التى ترسل له سائقها الخصوصي كل فترة ليجلب تلك النوع المميز بروائحه المختلفة. أخذ نوعي الدائم و ارحل.

أدخل إلى غرفتي لأمدد جسدي لساعة قبل الغذاء. نفس الملائة التى تتبدل كل أسبوع مع واحدة أخرى، نفس البطانية الواحدة التي تشبه ما يوزعوه فى الجيش، امم كم أتمنى أن اتدفأ ببطانية كتلك التى كانت فى اعلانات ساراتوجا.
أدفس وجهي فى الوسادة، لا تسمع أذناى من السكون غير نفس دقات الساعة، صوت الثلاجة، تنقيط المياة فى الحمام، نداء بائع الجرائد، صراخ الأطفال و هم يلعبون الكرة.

أستيقظ من نومي على سعال شديد، مش ممكن، تستخدم المبيدات الحشرية كأنها معطرات للجو.

على المائدة، نفس الأكل؛ فراخ محمرة، أرز و صينية كوسة فى الفرن. انها دائماً إما كوسة أو فاصوليا خضراء أو بطاطس، كم أشتاق إلى الملوخية أو ..
- انتى ما بتعملنلاش بامية ليه؟
- بامية؟ و انت من امتى بتحب البامية؟
- اهه بقة .. نفسي فيها
- ماشي يا سيدي، الجمعة الجاية اعملهالك
- و ليه الجمعة؟ ليه مش بكرة؟
- مالك يا راجل؟ مش عاجبك حاجة ليه انهاردة!
- آل يعني هية فارقة معاكى!
- يا فتاح يا عليم، خلينا نكمل أكل على خير الله يخليك.

بعد الأكل نرتمي أمام التلفزيون و البنت تلعب حولنا، جدائل شعرها ملفوفة بنفس الشرائط الحمراء فى نفس شكل الضفيرة اليومية. أنادي عليها و أُجلسها أمامي، أحل ضفائرها و أمرر أصابعي لأفك التشابكات و التداخلات، أحاول الابتكار و كلما انتهي من فكرة، أنظر لوجه البنت فلا تروقنى فأحل شعرها من جديد، و هكذا حتى سويته لها فى الآخر على شكل ذيل الحصان التقليدي.
تجلس زوجتى بجانبى لا تصدق ما تراه مني، البنت عمرها ثلاث سنوات، لم أهتم يوماً بشكل شعرها و لا لبسها.

أقبض على ريموت التلفزيون بقوة و أُخرج كبتي فى الضغط على أزراره و أتنقل بين القنوات، تمثيل ممل و أغاني تافهة و برامج مكررة و نساء تلف العقل.. أوفف .. انا نازل القهوة.

أنادي على الصبى
- عندكو إيه يتشرب انهاردة
- إيه يا أستاذنا، بتسأل و كأنك اول مرة تشرفنا
- معلش يا سيدي، سمعنا تاني، عايز أختار حاجة جديدة
- عناب، قرفة سادة، قرفة بالحليب، جنزبيل بالحليب، سحلب، شاي بالنعناع، كركديه، ينسون، حلبة حصى .. هة مين قال كمان.. ايه يا عمنا في إيه؟
- ما عندكش موز باللبن؟
- أفندم؟ لا والله، لو عايزه ضروري يعنى، فيه كافتيريا فى أول الشارع، بس خلي بالك دول حراقين أوي
- حراقين إزاي يعني؟
- بيدّفعوك عشرين جنيه، شربت موز شربت مية، هتدفع .. يا باشا خليك منورنا و انا هاروقك آخر تمام
- لأ خلاص شكراً

نفس نشرة أخبار التاسعة، نفس المذيعين، نفس الأخبار؛ قتل، انفجار، قنبلة، اعتصام، مظاهرة، و ما حولي هي نفس الأصوات اليومية من أحجار النرد و الدومينو، غلظة سعال المدخنين، كركرة الشيشة و صيحة فائز فى دور كوتشينة.

أرحل من القهوة و أسير لفترة طويلة حتى أصل لكورنيش النيل، أجلس على دكة و أسرح فى الألوان المختلفة على سطح النيل حتى أقع فى النوم.

22 comments:

M.Sameer said...

ايه ده ؟ صينية فاصوليا خضراء في الفرن ؟ :P

Ahmed Gawdat said...

مقالة جميلة جدا و حسيت بيها قوى.

Unknown said...

very impressive ...
very real and touching.
I liked so much :)

Eman M said...

@M.Sameer
yes, I do it that way ;)

Ahmed, Lamiaa,
Thanks Thanks, it is a real daily life of a lot of people.

Dina El Hawary (dido's) said...

Impressive !!! helwa ya Eman ... you would feel the monotony in every word .. you did it well : )

Bravo ;)

الست نعامة said...

حلوة يا إيمان بس نقلت إليّ احساس بالملل الأذلي ويومي اتقلب خالص كده وبقيت ملانة جدا... ليه كده؟

كلام وخلاص said...

فراغ يوم الجمعه وفك ضغط الشغل يتيح لنا التفكير ...التفكير جديد والتفاصيل اللى بنفكر فيها واحده ثابته....القصه جميله وباحب اسلوبك لان لغتك بسيطه وعميقه
تحياتى

Eman M said...

@didos, monotony is the right word here yeah, thanks a lot

@ el set na3ama,
آسفة لو القصة نقلتلك الاحساس جامد أوى كدة، انا كنت بس بحاول أوصف حالة معينة بتيجى لمعظم الناس فى وقت ما

@kalam w khalas
Thank you

جنة الحواس said...

Eman ..

كتابتك ليومياتك أو يومات الناس باختلافهم دائماً تشعرني بأنني أتابع مشهد سينمائي


You are gifted .. I really enjoy reading ur posts with all these details ... keep it up :)

Mohamed Elbeltagy said...

eman..
this is the first time I see your blog. IT IS AMAZING. I have been reading for more than half an hour. They simply passed by as if I will start reading.

Masha2 allah. Really very good blog and very nice posts.

Wishing you the best all the time.

الست نعامة said...

أنا مش قصدي حاجة وحشة، ديه تدوينة جميلة على فكرة، حسيتك كده زعلتي مش عارفة ليه.

Eman M said...

@جنة الحواس
@Mohamed El-Beltagy

Ya rab tenbesto 3alatol :)

@الست نعامة
za3al eh bas :) akeed l2! I hope eni ma kontesh assart 3leiki b mood el writing bas :)

CarpetCaptain said...

So thats what its like to be married! Buddy I'm bored for you, infact I'm going to do everything in my power to not slit my wrists!

Eman M said...

@CarpetCaptain
The whole story has NOTHING to do with marriage as a concept, it is the presepective of this man only.
Check his attitude in El Ahwa, does this mean el Ahwa is boring?

It is your prespective towards your life; married or unmarried.

www.tadwina.com said...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/222

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

العاب said...

بالتوفيق

Anonymous said...

The fact that I feel very heavy hearted after reading it means you've succeeded in transferring the heaviness of such a life brilliantly to your readers. Bravo ya Emy :)

Tadwina said...

مرحبا/ ايمان

لقد اثارت مدونتك اعجاب كل العاملين في تدوينة دوت كوم خصوصا تدوينة "زي كل يوم" حيث انك عبرتي عن الروتين اليومي بطريقة سهلة وجميلة امتعتنا جميعا.
وبعد اضافة مدونتك إلى تدوينة دوت كوم ورأينا مدى اقبال القراء على قراءة مدونتك لذا نرجو التكرم بمراسلتناعلى الايميل
Tadwina@gmail.com

لوضع البانر الخاص بتدوينة دوت كوم على الصفحة الرئيسية لمدونتكم الغراء مما يسمح لكثيرين من مختلف العالم العربي بالاطلاع على تدويناتك المستحدثة ويسمح لكثيرين ايضا بالاطلاع وتصفح موقعنا " تدوينة - بيت المدونات العربية".


يمكنك متابعة مدونتك على الرابط التالى:
http://www.tadwina.com/feed/222
شاكرين حسن تعاونك معنا
فريق عمل تدوينة دون كوم

Unknown said...

مدونتك رائعه جدا جدا واعطيها مذيد من الاهتمام
وادعوك لزيارة مدونتى
http://www.farafero82.blogspot.com

وابداء رايك فيها

وان اردت يمكننا تبادل الروابط معا لتبادل المنفعه

شكرا

بدون تعليق said...

جميل ماتكتبين يا ايمان

Anonymous said...

هو دة الواقع

tytoo said...

http://www.7mmel.com/vb/

 

eXTReMe Tracker