Wednesday, August 17, 2005

غزو العرب فى سيتى ستارز

إمبارح كُنت فى سيتى ستارز، الواحد بينتهز فرصة الأوكازيونات بقة و كدة
كمية العرب فى المول غير طبيعية .. غير طبيعية لدرجة إنى كنت بجد حاسة إنى مش فى مصر
كُل اللى حوالية لابسين العبايات والإيشاربات السودة، الكُحل الخمسة كيلو فى كل عين (نفسى أفهم ليه خمسة بحالهم)
كُل اللى حوالية وجوه غير مصرية (برضه الوش المصرى حاجة تانية)
كُل اللى حوالية كلمات بلهجات و كلمات ودانى مستغرباها
ماشى .. منوَرين و على عينَا و راسنا، بس دلوقتى فى كذا نقطة واضحة جداً من إنتشارهم دة:

- نظرات الإستعلاء و التكبر الرهيب اللى فى عيونهم، و علامات القرف اللى على وشوشهم تجاه المصريين.
بصراحة ما شفتش كدة على أى رجل، إنما الستات معظمهم كدة .. مش عايزة أظلم الكل بكلمة "معظمهم"، بس بجد حصلت قدامى كتير جداً جداً

- النميمة بقة ما شاء الله، دودودودو على أى بنت مصرية معدية جنبهم، كنت بسمع كلامهم بنفسى .. بس نسبة قليلة أوى اللى كانت بتعمل كدة الحقيقة

- كل واحد فى أى حتة زى ما يكون رهن إشارتهم
البياعين فى المحلات مركزين طبعاً معاهم جداً و مُساعدة إيه .. أى مقاس .. أى لون .. نظام اطلبوا لبن العصفور و إحنا نجيبهولكم
التاكسى شاورلى بإيده إنى مش طريقه، علشان شاف عرب واقفين بعدى فطبعاً هما أولى ، أساسى ..ما هو أنا مش هأدفعله زى ما هما هيدفعوله
زى الأسبوع اللى فات، ركبت تاكسى من الزمالك لمصر الجديدة .. سعادته كان عايز 15 جنيه و فضلنا ننتاقش، فبيقولى أنا إمبارح وصَلت إماراتى من المهندسين لمصر الجديدة و إدانى 50 جنيه!! طب أرد أقوله إيه؟
قلتله دة واحد معاه فلوس، إنما أنا غلبانة زيى زيك

ليه بقة هما دايماً محسيسنا إنهم أحسن مننا بالأسلوب دة .. مع إننا كلنا كدة فى الهوا سوا (و المعنى فى بطن الشاعر)

25 comments:

Mohammed Sameer said...

و الله يا ايمان مش عارف
المشكله انهم واخدين حقهم فى بلادهم بجنسيتهم و فى بلادنا بفلوسهم

بس ان لو واحد بصلى بنظرة استكبار هارد عليه او عليها بنظره انيل منها و اكمل سكتى :-)

سواقين التاكسى ؟ قوليلوا مانتوا فى الشتا بتتحايلوا علينا نركب !!

انا لو فى موقف زى ده كنت اخدته على القسم !!!

mostafa said...

لية دول لطاف خالص يا ايمان .. من أسبوع كنت ماشى أمام تمثال سعد باشا الساعة واحدة صباحا.. طبعا المنطقة دية بتتعفرت فى أغسطس باعداد الناس المهولة و كميات الحناطير الى متنقيش غير عربيتى علشان تزنق عليها و تخبطها.
المهم أن كان فى سيارة مرسيدس شبح واقفة على جانب و ٤ شباب خليجى معليين الستيريو و واقفين يرقصوا خليجى فى الشارع و مبسوطين على الأخر.
أنا وقفت شوية أحاول أستوعب , بعدين أنفجرت من الضحك...

sydalany-وش مكرمش said...

طبعا الفلوس تتكلم

كان في مدرس شغال في السعودية
دخل لقاهم كاتبين على السبورة

مصري +فول=حمار

مسحها و كتبلهم

سعودي-بير بترول = بقرة

لكن للعلم أغلبهم كويسين جدا و تعاملهم محترم جدا و عارفين إن المصريين بيفهموا و محترمين
لكن للأسف كتيرمن اللي بييجوا بيبقوا متعبيين فلوس و تلقاهم الصبح في المولات و بالليل في الكباريهات

ألِف said...

يا عزيزتي دول سياح، يعني ضيوفنا، حتو لو مرة جالك ضيف سخيف شوية بتستحمليه، لازم تكون ثقتك في نفسك أكتر من كده.
متركزيش معاهم قوي، و بعدين تخيلي نفسك في بلد أوروبي، بتمشي تبصي على الناس و تتفرجي على عيشتهم. صدقيني، بالنسبالهم مصر كده، أوربا، حتى لو ما قالوش، و احنا مش طالبين منهم يقولوا.
أما سواقين التاكسي..بالجزمة..على القسم زي ما محمد سمير بيقول.. ما تتناقشيش معاه في موضوع أن الخليجي غني دا أساسا لأنه مش من حقه ياخد فلوس أكتر من الغني، دا أجير عندك مش شريكك، و مش مفروض لا يثمنك و لا يعطف عليك.

sydalany-وش مكرمش said...

ألف:
حسستني إن ثانية و كنت حتنادي عثمان عشان يجيب الكرباج


و الجميل في قانون بلدنا إن كلمتك قصاد كلمته =محضر
تترحلوا في عربية التراحيل للنيابة سوا
و ف النهاية حتتنازلوا
لإن طبيعي حتبقى عاركة مش مجرد خلاف على السعر و الفالح حيتبلى على التاني الأول

Eman M said...

ألِف
الموضوع مش موضوع ثقة في النفس، و لا موضوع ضيف سخيف ،الموضوع إنك بتشوف الناس دى فعلاً بتعاملنا بطريقة مش ظريفة و إقتناعهم بإنهم أحسن مننا عشان فلوسهم .. مش أسلوب يعنى

أما سواقين التاكسي، فصعب اللى إنت و محمد سمير بتقولوه ..
لا أنا هأروح القسم و لا هينفع أتخانق معاه، ما أضمنش لا أخلاقه و لا ألفاظه
فلازم أكلمه بالسياسة

وش مكرمش
"لكن للعلم أغلبهم كويسين جدا و تعاملهم محترم جدا و عارفين إن المصريين بيفهموا و محترمين"

بصراحة أشك فى ذلك، سمعت كتير عن تعاملهم مع المصريين جوة و برة مصر، فالدنيا مش حلوة كدة للإسف

Nour said...

بالنسبة لعرب الخليج فأنا أسمع كتير عن كره السعايدة و الكوايتة للمصريين قوي

يعني سمعت قصص قصص

بس و الحق يقال أنا عاشرت الاماراتيين لمدة سنة

شعب طيب لأقصى الحدود و يموتوا في مصر

مش هانسى اما مرة كنا مسافرين من أبو ظبي للشارقة فبابا نزل يسأل على عنوان شارع فبيسأل مواطن هناك و أما لاقاه مصري كانت راسه و ألف سيف و حلفانات بقى و بتاع انه يجيب العيلة و نتعشى عندهم اصلنا من ريحة مصر و عبد الناصر زي ما كان بيقول :)

المهم موضوع البصات و مش البصات دي بلدنا و اللي يبصلي بصة أديله عشرة

كبري يا إيمان عشان تخلصي :)

Dalulla said...

إيمان،
لو تسمحيلي وتسمحولي كلكم.. أنا ليه وجهة نطر في الموضوع ده. بس موش بس على الخليجة بس، على النفس البشرية ككل.
الإستعلاء أو التكبر يأتي حين يجعل الناس أنفسهم محل مذلة. أنا عشت في المملكة العربية السعودية نصف عمري تقريبا. إللى كان من المصريين بحافظ على كرامتة كانوا بيعاملوة بأدب و إحترام. ولكن لما أنا أجي وأتذلل لحد بكدة بيفتح مجال لأن يذل أو يسحقر.

ولكن لما كل بني أدم يعرف إللى أمامة إن له كرامة محدش هيجرؤ إنة يمسلة على طرف إلا في حدود معينة. وبعدين ما هو فية مصريين أغنياء برضو بيتعملوا مع إللي أقل منهم باستحقار و إذلال.

إللي عايز أقوله إن البني أدم نفسة هو إللي بيحدد لنفسة قيمة والعامل الثاني أخلاقيات و دين. فلما الخليجة يجو مصر ويلاقوا التكالب الفظيع إللى حواليهم واسلوب الشحاتة إللى بنشوفة من فئة معينة سواء من البيعاين أو سائقي الأجرة أو غيروة، لية يقى نستغرب؟

أنا لما كنت هناك كان معاية أميرات في المدرسة. ومرة واحدة منهم حاولت تتكبر علية بس أنا بمنتهى الأدب عرفت أعرفها إن مش أنا إللى هاتعمل معاها كدة عرفت إن أنا عزيزة النفس وكمان جات بعد الموقف دة واتكلمت معاية وقالت إنها اسفة. وتناقشنا في الموضوع و باختصار شديد قالتلي أنا موش حساكي زي بقيت المصريين إللى قابلتهم ولما سألتها لية يعني قالتلي إنت من أول دقيقة حسستيني إنك كرامتك عندك مهمة وانها موش مداس.

يا جماعة انتم موش متخيليين قد إية في ناس بيرخصوا أنفسهم عشان المادة. ودية المأساة. ربنا بيرزق النملة و الطير وهو تعهد لكل كائن حي برزقة يبقى لية الناس فاكرة إنهم لازم يتذللوا علشان لقمة العيش؟ وفي كمان عامل الطمع والجشع ممزوجين بإذلال النفس. فية ناس مستعدة موش بس يبيعوا كرامتهم، لأ وكمان يبيعوا أهاليهم وبلدهم.

الحاجة الثانية طبعا الطبع دة (الاستحقار) موش صفة كويسة خالص و يعاقب علية المولى عز وجل.. بس برضوا مجاش من فراغ.

Eman M said...

Walahi ya Dalulla 3andk 7a2!
El nas heya elli btzel nafsaha leehom 3ashan yedohom felos aktar.

Ahmed Shokeir said...

طيب اذا كان الكلام ده فى مصر الله يكون فى عون المصريين عندهم
بيتهزأوا برده ... بس بصراحه المصرى مابيسكتش لو الموضوع زاد عن حده
أنا نابحبش مسألع العميم بس فعلا الإماراتى محترم ومهذب لأفصى درجه

Cairo Cafe said...

صباح الخير يا إيمان,
شوفي هو والله انا مش عارف اقولك ايه بس في الحقيقة يعني انتي لو روحتي بره مصر وشوفتي المصريين عاملين ازاي في الغربه وبالذات في الخليج هتفهمي هما ليه بيبصوا كده مع اني عمري ما لاحظت ده على اي حد عربي يعني او يمكن انا الي مش باخد بالي يعني :), المصري في الخليج وهقول الغالبيه العظمى مش شغالين كويس وبيفقعوا بعض زونب للصبح , المصري مش بيعمل شغله كويس على فكره مثلا هتلاقي شركات المقاولات في دبي بتفضل اي جنسيه ع المصري برده ده مش كلام عام , لان المقاول المصري مثلا بيقعد يعمل فهلوي ويتاخر في التسليم وكده ,
ثانيا بصي للتليفزيون يا اخت ايمان عندك روتانا سينما وحريم كريم ودوقي يا مزيكا , عارفة لو انتي عايشة في الخليج او في دبي خصوصا هتلاقي ان الناس هناك متخيلين مصر من خلال التليفزيون وروبي ديه لما طلعت كان في اماراتيين بيتريقوا ع المصريين ويقعدوا يشتغلوهوم ده غير الافلام بقى الي المصريين طالعين فيها مش لاقيين ياكلوا والبنات الي انتي فاهماهم كل ده بيغذي فكرهم ويخليهم يشوفونا كده على فكره بس ده ميمنعش ان في مصريين كتير كويسين والناس بره يحترموهوم جدا ...
زي مثلا ما العرب والمصريين بيبصوا للامريكان من خلال الافلام ويفتكروا امريكا بجد زي الافلام بالظبط مع ان ده مش حقيقي انا زمان سمعت واحده امريكيه بتتكلم على الافلام وتقول انا بحس انهم بيتكلمو عن بلد تاني
وكنت عرفت بنت عايشه في شيكاغو زمان فلسطينيه كانت بتقول ان شيكاغو مش خطر اوي مع ان برده كان ليه صحاب في متشجن بيقولوا ان الدنيا هناك خطر جدا ...
على فكره بالنسبه للناس الي علقت وقالو الفلوس مش كل العرب اغنياء فيهم ناس فقيرة اوي بس مثلا برده الشاب الي مش بيقدر يتجوز هنا الحكومه بتدي ليه فيلا عشان يتجوز ( مع احترامي للشباب الي مش قادر يتجوز في مصر طبعا )
ما علينا انا بصراحه شايف ان 15 جنيه من الزمالك لمصر الجديده حلوين اوي :)
شكرا
, كريم

Yosra said...

I think 2n 2l moshkela 2kbar mn keda 27na benboselhom 2nohom 7aseen benafsohom w mara7'erhom fel sama w 23'bya w mn 3'air foloshom wala 7aga, w homa bybosolna 3ala 2nena sha7ateen manestahelsh 7aga w manenfa3sh fe 7aga 3'air fe 7'edmethom. 2eza kan 27na ya 3arab 7anbos le ba3d keda w 7an3amel be3d keda yeb2a ba2a 3ayzeen el 2aganeb ye3amlona el zay w yeb2a el sara7 nestahel kol el yegralna menhom. I think el 7al 2nena nebtedy benafsena w ne7awel noboselhom 27san mn keda w ne7awel nesheel el fekra deh mn dema3'na la 3al wa 3asa el 7al bena yet7asen. w nebatal neshteky 2n 2l kada el 3arab mesh mota7edeen maho besababna law kona 27na mota7edeen w ben3amel ba3d kowayes sa3etha kan yemken homa ye3rafo yeta7edo.

علي سلام said...

عفواً لو سمحتي رغم إني مصري إلا إني بعارضك لأن الفكره مش واضحه في أذهان الجميع وإحنا المصريين مش فالحين غير في الكلام وخلاص حتى لو حبينا نعترض مبنتعرضش بأسلوب حضاري.......
يا ست الكل والله العيب مننا إحنا مش منهم هم وهقولك ليه ,,, سواقين التاكسي كلهم طماعين وإحنا اللي بنسمحلهم يتحكموا فينا ومش بنشكيهم لأي قسم ولا بنوريهم العين الحمرا والبياعين في المحلات كلهم مصريين ومعاملتهم وحشه جداً يعني برضو العيب منا ...
أنا والله العظيم ليا اصدقاء كتير في مصر من الإمارات وقطر والسعوديه وكلهم قمه في التواضع ومعاملتهم أجمل ما يكون والعكس صحيح إحنا فينا ناس مش حيليتها اللضا ومع ذلك متعنطزين ونافخين ريشهم...
لامتى هنفضل نكذب على روحنا ونضحك على أنفسنا .. العيب منا إحنا مش منهم.. إحنا اللي متخلفين ومصممين نرجع لورا ومنهتمش غير في أمور تافهه..
وبعدين من حيث الجمال فهم عندهم الجمال العربي الأصيل والعيون الساحره إنما إحنا اللي بنحط 50 كيلو مش 5 كيلو بنحط 50 كيلو بودرة على وشوشنا..
ولكِ مني كل الشكر والتحيه

علي سلام
مصري بمدينة 6 أكتوبر مختلط مع جميع الجنسيات العربيه

Anonymous said...

سيتى ستارز بتاعهم لان اصحابة سعوديون يعنى مش من حق المصريين يدخلوة وبعدين الستات طبيعى تتضايق من بعضها السعودى جاى مصر عشان يتفرج على البنات

Anonymous said...

والله إنتوا شعب هيموت عاالقرش وبقتل أمه وابوة كمان عشان خاطر جنية وبعدين سيتي ستار دا بتاع الوليد ودة سعوووووووودي والي مش عاجبة يشرب من البحر دنتوا سعب شحاتين ووسخين مفيش مكان نضيف ووالله انا مش عارف إنتوا عيشين إزاي ياحرامية

شريف said...

شوفي يا آنسة إيمان .. "بما إني باكتب لأول مرة تعليقاً في مدونة "بناتي" فلازم أستخدم التكليف في مداخلتي الأولى"..
أنا ليا وجهة نظر تانية خالص ..
حتى لما تكون سائح ، مش لازم السائح يبقى "سايح" .. فيه نوع من أنواع الاحترام اللي لازم يظهره على الأقل السائح للبلد اللي هو بيتفسح فيه..يفترض إن العرب الضيوف المحترمين على علم بالكلام دة أكثر ربما من "الآخر" الياباني والإيطالي والألماني..
مزيداً من التواضع ضيوفنا النشامى..من تواضع لله تعالى رفعه..

خالص تقديري

شريف

Mohamed Meshref said...

Who's this idiot anonymous?!!!

Is it an embassy or what?

Are you crazy?!!!

Anonymous said...

انا مصرى وعايش هنا فى اوروبا فى المانيا تحديدا وفى الصيف الخليجين بيكونوا هنا باعداد هائلة جدا ونفس الملامح مرسومة على وجوههم الغباء والبلاهة وعدم الثقة بالنفس وده بيعوضوه برئيهم بتلك النظرة الحمقاء التى بها شىء من الاستعلاء والله العرب غير مرحب بهم هنا فى كثير من الاماكن والمطاعم بسبب وساختهم الشديدة وطريقتهم الفظة فى الاكل

Anonymous said...

مرحبا
بالاول أنا قطريه و قرئت كل وجهات النظر المكتوبه و اعترف في خليجيين قممممممممممممه في الغرور و قلة الأدب و مفكرين نفسهم أنهم مالكين الدنيا طيب اذا كان مش عاجبك المصري انت ليه بكل صيف تجي مصر ؟؟

يا اخوان محدش أحسن من حد و على فكره أنا قطريه لما بروح دوله خليجيه ثانيه البنات بيبصوا علي بطريقه وحشه كأني كلت حلال أبوهم في ناس مغرورين و شايفين انفسهم بس على ايه ؟؟!!
انا اخر مره رحت مصر بالرغم من اني جلست 10 ايام الا اني انبسطت اووووووووووووووي و تعرفت على مصريين كتر و بقت لي علاقات طيبه

و انشالله هجي مصر بالشتا

و على فكره اصابع ايدك مش سوى بس بالفعل نسبه كبيره من الخليجيين شايفين نفسهم و مفكرين ان بفلوسهم يقدروا يشتروا الدنيا

و ارد على هذا الشخص و اقول

Anonymous said...
والله إنتوا شعب هيموت عاالقرش وبقتل أمه وابوة كمان عشان خاطر جنية وبعدين سيتي ستار دا بتاع الوليد ودة سعوووووووودي والي مش عاجبة يشرب من البحر دنتوا سعب شحاتين ووسخين مفيش مكان نضيف ووالله انا مش عارف إنتوا عيشين إزاي ياحرامية

11/08/2005 08:38:00 PM

انت ماقلت الكلام ده الا لان كل كلمه قلتها فيك يا قليل الادب و على فكره أنا أكررررررررررررررره السعوديييين لانه اغلبهم قليلين ادب و ماتربوا ابدا و اذا كنت تقول انهم حراميه فالسعوديين اكبر نصابين
يامعففففففففففففففففففففففن

shayma said...

و الله كلام مظبوط
انا عايشة في السعودية وشايفة بيعاملوا المصريين ازاي بس مش كلهم طبعا تخيلوا واحدة بتتم التانية بتقولها يا مصرية ابوكي مصري !!!!
للدرجة دي التخلف
وفي ناس تانية غير تقول انا بحب مصر اوي وهسافرلها في الاجازة و مبسوطة فيها اوي يعني فيه وفيه انا مرحتش سيتي ستارز قبل كده بس ان شاء الله هروح وهنبسط في بلدي لأني بحبها و فخورة اني مصرية

hassan zayd said...

بصراحة انا مبسوط جدا من التعليقات
واتمنى نشيل الحقد والحسد من انفسنا
علشان دنيتنا واخرتنا

Anonymous said...

السلام عليكم ورحمة الله وبركاته
جميل ان نلقو مكان نتكلمو فيه بحرية و صراحة بخصوص موضوع الخليجيين حنقول رايي بصراحة ... اول حاجة انا شاب ليبي و حاليا قاعد سياحه في مصر ام العرب كلهم بالنسبة للخليجيين فاقول المثل يقول كل مكان فيه الصالح والطالح انا قابلت الخليجيين في عدة مواقف كانو في بعضها كويسين و بعضها الله يسامحهم وخلاص لكن اقول للشعب المصري تحملو لان مهما يكون هما مسلمين و مصدر دخل ضخم لمصر وياريت تحاولو زيادة السياحه عشان الخير يزيد و عمل مول اخر اكبر حتى من سيتي ستار و زيادة المدن الجديدة واهم شي زيادة الوعي الديني لاني زعلت من مصريين مسلمين فاطرين في رمضان بدون عذر

bnt_s3wdya said...

السلام عليكم
الى اختي القطريه الي قالت اكرررره السعوديين وان (اغلبهم) قليلين ادب ومو متربين عزيزتي ان كان اسلوبك دل على شي فهو دال على تربيتك يامحترمه وانتي بكلامك هاذا عممتي وسبيتي شعب باكمله فارجو انك تلزمين حدودك والحمدالله نحنا غنيين عن محبتك لنا ان كان اسلوبك بالشكل هاذا واحب اقولك انك بكلامك هاذا شوهتي سمعة بلدك قبل كل شي وكانك فخوره بكرهك لنا الي ماله اي مبرر فعلا انا يوم عن يوم انصدم فيكم اكثر واتمني اعرف سر هالعدواه والكره لنا الي طالع من كل قلبك ياليت توفرين كرهك لليهود بدل السعودين المتمسكين بدينهم واخلاقهم وقبل كل شي مسلميين وبس حابه اوضح لكم شي الاخلاق ماتعرف بلد او جنسيه في كل بلد فيه الانسان الجيد والردىء بغض النضر عن جنسيته كان خليجي او مصري وبالنسبه للشعب المصري انا شخصيا بحبهم والله حتى عندى صديقات مصريات والله اقدددددع ناس ولا عمرنا كان بينا خلاف على اساس جنسيه بالعكس كل وحده فخوره ببلدها
وحتى اني متواصله مع مدرسه لي كانت قمه فالروووووعه ومعاملتها لنا كانت معاملة ام لبنااتها مو كانها مدرسه والمدرسه كلها تشهدلها وهي المدرسه الوحيده الي تواصلنا معها بعد مارجعت بمصر مع ان المدرسه كانو معلماتها من مختلف الجنسيات بس مثل ماقلتلكم الانسان له الاحترام او الذل على اساس الاخلاق الي يتعامل فيها مع الاخرين والجنسيه مالها علاقه
اما بالنسبه لشعب الامراتي فعلا شهادتي فيهم مجروحه باخلاقهم وروعه تعاملهم استطاعو ينالون احترام الجميع وكانو حريصين على نقل سمعة طيبه عنهم ولو الكل حرص على هالشي كان ساد الاحترام بين امتنا العربيه والاسلاميه لكنا امه واحده وقوه ضد الاعداء
وبناهيه كلنا اخوان وياليت مايترتب على هاذا النقاش كرررره او عداوه تذكرو مهما يكون بيننا من خلاف بالنهايه نحن اخوااااان

bnt_s3wdya said...

السلام عليكم
الى اختي القطريه الي قالت اكرررره السعوديين وان (اغلبهم) قليلين ادب ومو متربين عزيزتي ان كان اسلوبك دل على شي فهو دال على تربيتك يامحترمه وانتي بكلامك هاذا عممتي وسبيتي شعب باكمله فارجو انك تلزمين حدودك والحمدالله نحنا غنيين عن محبتك لنا ان كان اسلوبك بالشكل هاذا واحب اقولك انك بكلامك هاذا شوهتي سمعة بلدك قبل كل شي وكانك فخوره بكرهك لنا الي ماله اي مبرر فعلا انا يوم عن يوم انصدم فيكم اكثر واتمني اعرف سر هالعدواه والكره لنا الي طالع من كل قلبك ياليت توفرين كرهك لليهود بدل السعودين المتمسكين بدينهم واخلاقهم وقبل كل شي مسلميين وبس حابه اوضح لكم شي الاخلاق ماتعرف بلد او جنسيه في كل بلد فيه الانسان الجيد والردىء بغض النضر عن جنسيته كان خليجي او مصري وبالنسبه للشعب المصري انا شخصيا بحبهم والله حتى عندى صديقات مصريات والله اقدددددع ناس ولا عمرنا كان بينا خلاف على اساس جنسيه بالعكس كل وحده فخوره ببلدها
وحتى اني متواصله مع مدرسه لي كانت قمه فالروووووعه ومعاملتها لنا كانت معاملة ام لبنااتها مو كانها مدرسه والمدرسه كلها تشهدلها وهي المدرسه الوحيده الي تواصلنا معها بعد مارجعت بمصر مع ان المدرسه كانو معلماتها من مختلف الجنسيات بس مثل ماقلتلكم الانسان له الاحترام او الذل على اساس الاخلاق الي يتعامل فيها مع الاخرين والجنسيه مالها علاقه
اما بالنسبه لشعب الامراتي فعلا شهادتي فيهم مجروحه باخلاقهم وروعه تعاملهم استطاعو ينالون احترام الجميع وكانو حريصين على نقل سمعة طيبه عنهم ولو الكل حرص على هالشي كان ساد الاحترام بين امتنا العربيه والاسلاميه لكنا امه واحده وقوه ضد الاعداء
وبناهيه كلنا اخوان وياليت مايترتب على هاذا النقاش كرررره او عداوه تذكرو مهما يكون بيننا من خلاف بالنهايه نحن اخوااااان

bnt_s3wdya said...
This comment has been removed by the author.
 

eXTReMe Tracker