مصر مش كده

بعد ما قرأت اللى وصفته لستُ أدرى و اللى قالته غادة
ما بقتش محتاجة أشوف الإعلان، شفته خلاص من خلال كلامهم و انفعالاتهم
طب فضايح جوة البلد وعندنا أمل الحال يتعدل
إنما إعلان لكل البلاد كدة !! إن هية دى مصر؟ إن هية دى نشاطاتها!
خلاص مصر بقت رمزها البكينى و الرقص الشرقى
بقت إعلانات إزازة فانتا الجديدة مالية كل الشوارع

بقت هية دى وسيلة الإعلان اللى بتجذب وبتجيب ربح!
بقت هية دى مصر!
لأ .. مصر مش كده .. أنا متضامنة معاكى يا غادة

ما أظنش الصحفيين هيسيبوا وزير السياحة فى حاله على الموضوع دة
كل الناس بيتكلموا عليه!
وزير السياحة و وزير الداخلية .. و البقية تأتى