Tuesday, June 28, 2005

ناس ذوق ذوق ذوق الصراحة

ركنا العربية، نص ساعة بس و رجعنا، لقينا عربية تانية قافلة علينا
لا لا صحيح، لو كانت كدة كان زمانه ركن مكانا"invisible"تحس كدة كأن العربية خير اللهم أجعله خير
ربع ساعة مستنيين ان صاحبها يظهر .. مفيش
طب، ما بدهاش بقة، يلا نزق
شباب يعدى و يبص وعادى .. رجالة تعدى و تبص وعادى ..
ان حد يفكر يساعد و هما شايفين بنتين بيزقوا عربية و ايه فور بى فور التقيلة
لو كنت لابسة دلوقتى حبشتاكانات من الزى الرسمى دلوقتى للبنات، كان زمان عشرة اتمنوا يساعدوا و عشرة تانيين شالوا العربية من على الأرض
بس هنقول ايه .. بات زمن قل فيه الرجال

6 comments:

Anonymous said...

No comment!

There are still good people, Rare thugh but they are still there.

Abdelrahman said...

معاكي حق.. معادش في شهامة ورجولة زي زمان..
ولكن اسمحيلي أحييكي على إنك مش من بتوع الحبشتكنات والزي الرسمي كما سميته، وتأكدي إن برضه لسة في رجالة في البلد تتمنى تساعد المحترمات من أمثالك.. بس الظاهر إن عددهم بقى قليل للأسف.

Anonymous said...

معاكى حق طبعا .. حيث لم تعد هناك انسانية او حساسية او شعور بالاخر لابد ان تستشرى هذه الظواهر المقرفه .. تانى مرة اعملى حسابك والبسى شوية حبشكتات .. اهى بتنفع فى الازمات .. الحبشتكات تنقذك فى الازمات .. ده ينفع عنوان فيلم لمحمد سعد

R said...

ـ".. الحبشتكات تنقذك فى الازمات"ـ
اسم جميل قوي.. هاها
فعلاً ينفع عنوان لفيلم ممتاز

littilemo said...

اه من زمن ضاعت فيه كل القيم

metcy said...

bosi ana ma3aki an zaman al rogola we al forosoia antha ..bas anti liih wa7'da mokawf man al 7abshtakanat talma 7aga 7at7'aliki fi 3inaaak antii gamila why not

 

eXTReMe Tracker