Thursday, February 14, 2008

ليلة بدونك

يتصل بها فى عملها صباحاً
- عندى خبر حلو و وحش فى نفس الوقت
- خير؟
- مديرى رشحنى أروح تدريب، التدريب دة بيتكرر كل كام شهر و انا نفسى اروحه بقالى فترة
- طب دة خبر جميل جداً، و الوحش فى كدة؟
- انه لمدة تلات أيام و ...
- و إيه؟
- و برة القاهرة و هيبتدى من انهاردة، هنسافر كمان ساعتين
- اممم .. يعنى هتبات برة البيت؟؟!؟
- احم احم .. غصب عنى، دى فرصة كويسة جداُ
- ...اه أكيد .. ماشى .. طب .. طب هوة ما ينفعش ترجع البيت بليل و تسافر الصبح؟
- ما ينفعش، الطريق طويل جداُ و هيبقى مجهد جد..
- عندك حق .. انا بس مش متخيلة الفكرة .. هننام بعيد عن بعض .. دى أول مرة تحصل من ساعة ما اتجوزنا


بعد العمل، قضت كل المشاوير التى كانت تؤجلها من حين إلى آخر، و تعمدت التأخير حتى ينتهى وقت الليل على قدر المستطاع.
ما ان دخلت البيت، انارت جميع الغرف لتتغلب على أى إحساس بالخوف ربما يباغتها. ادارت الكاسيت على صوت أم كلثوم، هو لا يحب أم كلثوم بتاتاً، يقول لها "ابقى شغليها وانا مش موجود فى البيت".

اخذت تفكر فى كل الطرق التى ستجعلها تشعر أنه ليس بعيد عنها ..
ارتدت بيجامته و اضطررت ان تثنى الكم اربع ثنيات و الرجل خمس ثنيات، و لكن لم تجد حل للوسع إلا بارتداء حزام.
اختارت عطره المفضل لديها، و نثرت منه على وجهها و ملابسها، نثرت كثيراً حتى خافت أن تُنهى ما تبقى منه.
قررت أن تسهر كثيراُ حتى تسقط من النوم، و فعلاً جهزت كوب نسكويك ساخن، و دخلت السرير، لفت نفسها بالبطانية، ارادت أن تشعر بالدفء الكامل، فلن تستطيع الليلة أن تطلب منه بصوت مرتعش "انا بردانة أوى، دفينى"، و لن تستطيع غمس وجهها البارد فى حضنه، أو تشبيك أصابعها المثلجة فى أصابعه.
استنكرت أنها ستمر بليلة أخرى بدونه و استسخفت تهويلها للأشياء و نهرت نفسها "ما تجمدى شوية، أمال هتعملى إيه لو جاله سفر شهر مثلاً!"

أخذت تُكمل قراءة الرواية التى بدأتها مؤخراً إلى أن انتبهت على صوت أذان الفجر، و وجدت نظارتها مٌلقاة جانباً والكتاب على يمينها، توضأت و صلت ثم ارتمت على وسادته، و تمنت أن يجئ فى أحلامها.

21 comments:

Anonymous said...

Begad 7aram 3aleiky not to write more often!!! I LOVED it ya Emy.... I shivered, smiled, and felt lulled keda. The part about the pijamas made me laugh out loudly :D What I loved the most is this sense of shivering longing to him!

Argouky write more....pleath pleath pleath :))

Eman M said...

احم .. أخجلتم تواضعنا

عمرو عزت said...

جميل
:)
و أشاطر "ميدميرميد" رجاءها

Anonymous said...


:)بضم صوتي لأصوات اخواني المواطنين والمواطنات,واؤيد المطالبة بزيادة الانتاج قليلا.

ماشى الطريق said...

جميل جداً يا إيمان
كتاباتك ليها نكهة خاصة و حلوة

Anonymous said...

simply beautiful ..

Nerro said...

So intimate and touching and Eman, lovely.

monasosh said...

حلوة اوى
:)
بقالى كتير ماشفتكيش

Eman M said...

يا الف نهار أبيض
كل الناس الحلوة دى بيقولوا الكلام الحلو دة
و الله حسستونى بالذى مضى، هحاول أكتب بانتظام تانى ان شاء الله

Dina El Hawary (dido's) said...

:)
جميلة يا إيمان .. مشعة بالحب

حـدوتـة said...

جميلة جميلة جميلة :))))

Fanta said...

Very sweet ya emo :)
I miss your writings, keep it up
Fanta

zandy said...

this is just beautiful .. really touching ya eman.. I do join everybody here asking for more :D
more, more and more plzz :D

M.Sameer said...

طب انا غلطان علشان كسلت اعلق اول مانزلت و مكانش فيه ولا تعليق

اديني فى ذيل القايمة بس برضو اطالب ب "مكتوب" كل اسبوع!

Misho said...

totally loved it :)

Lasto-adri *Blue* said...

mesh ad el romancya deh kolha ya Eman ;)
abshery abshery... leki gomhoor, awlhom ana :P

استراحة محمد said...

استمرى يا ايمان عندك اسلوب يشد
اتمنى زياره مدونتى ونبقى اصحاب
mobkhat.blogspot.com

Boody 3abkareno said...
This comment has been removed by the author.
Boody 3abkareno said...

الله
donno why when i finished reading this i rook a deep breath. oh wow, this is one of the very few moments that takes my breath away

بجد
donno why when i was reading this all the symphonies i like played in my mind: plz try the double concerto, or the four seasons for vivaldi

Eman: thank you for this great great thought of you

يقولون إن الأدب الجيد هو الذي تشعر بعد قراءته أنك إنسان أفضل

nan said...

galbti 3alia elmawag3,,,,,,ana 3aysh bara masr

nan said...

galbti 3alia elmawag3,,,,,,ana 3aysh bara masr

 

eXTReMe Tracker